نبذة عننا

 

في وركلاكس, مؤمنين إن الشغل مش لازم يكون طول الوقت علي حساب الصحة !! ورحلتنا بدأت مع فكرة بسيطة جدا وهي " إن احنا نساعد الناس بأدوات تخلي يومهم في الشغل أسهل " يعني ينتجو أكتر من غير ما يتعبو بشكل مبالغ فيه.

إزاي بدأت قصتنا ؟

القصة بدأت بمنتهي البساطة لما قابلنا صديق لينا بيشتغل الصبح في البنك, وبالليل بيشتغل شغل تاني كـ فري لانسر, وكنا دايما ملاحظين تدهور صحته بدنياً, دايماً بيشتكي من آلام ظهر ورقبة ورجلين إلخ

لغاية ما شوفنا أول فكرة للمنتج الأول وهو كان مسند القدم, اللي بيساعد علي قعدة صحية أكتر ويخليك تركز اكتر في شغلك, 

المهم عرضنا عليه المنتج وجربه وقالنا رأيه بكل شفافية وازاي هو استفاد كتير من المنتج ده, ومن هنا عرفنا إننا لازم نكمل علي الطريق ده, وزي ما قدرنا نفيد صديقنا ولو بنسبة بسيطة فاحنا بإذن الله قادرين نفيد بقيت الناس.

وركلاكس حرفياً مبنية علي تعاطفنا كأصدقاء مع بعضنا, وكتعاطفنا مع كل زملائنا اللي ممكن يكونو بيتأثرو بالشغل اللي فيه تعب من النوع ده.

إيه هو هدفنا ؟

حلمنا إننا نكون موجودين في كل مكتب داخل جوا بيت وداخل كل شركة أو مؤسسة أو حتي ورك سبيس, نكون دايماً مؤثرين في حياة عملائنا للأفضل ويكون دايما نجاح منتجاتنا مبني علي نجاح عملائنا إنهم يكون شغالين في أفضل بيئة عمل نفسياً وبدنياً